Thursday, January 29, 2015

Fakna Hla Rilru Hneh Deuh! (Mizo Gospel Lyrics)

Hyderabad Mizo Christian Fellowship (HMCF) inkhawm na ah Chawlhni vawikhat chu AP State in Power Supply a tlakchham thut lai a nih avangin kan Biak In awmna area ah power supply a awm lo thut mai a, chumi ni kher chuan special item nei tur nula pakhat zaithiam kan nei a, mike pawh hman theih a ni lova, hun hmangtu reng reng te chuan an aw rawl tawp tawp a an au angai a. Chu mai bakah khaw lum lai a ni a, ceiling fan a nung thei bawk si lova, Biak In chhung chu a tawp up up a ni berin a hriat a. Kan hruaitu chuan zai  Pathian fakna hla sa tur chu a ko ta a, a rawn kal chhuak ve mai a, ka lo rin dan chuan "Mike leh sound system dang te a hman theih si lova ka zai lo mai ang e" a rawn tih mai ka lo ring a, mahse a hang in guiter perh chawp in he hla hi a rawn sa ta a, ka hla ngaihthlak tawh ah chuan ka rilru hneh pawl tak a la ni ve a ni. Tunlai chhan ah kan zaithiam tam tak ten sound tract chu sawi loh sound system tha lo ah chuan zai pawh an duh tawh loh laiin, Pathian faka engmah sawisel lova a aw original nen a rawn zai chhuak khan fak a phu a Pathian ropui zia a ti lang chiang khawp in ka hria.



Nitin in ka nunna ah duhthlan tur a awm a,
Tisa duhna leh thlarau duhna a ni:
Thil tha tih ka tum changin, thil thalo ka ti thin,
Tisa duhna in min hneh fo thin a.

That ka tum ve leh ka leh sual thin,
Thil tha tih theihna reng ka nei lo;
Lalpa tello that tum zawng engmah lo mai a ni,
Aw Lalpa nang chauh ka that na i ni.

Midang hmangaih theihna pawh thil tha a nih ka hria
Hmangaih ka tum ve leh huatna atam si;
Lalpa tello hmangaihna engmah lo mai ani,
Aw Lalpa nang chauh hmangaihna i ni.

Nitinin fel ka tum thin, thil tha a nih ka hria,
Ka theihna in ka tum a ka sual leh thin;
Lalpa tello fel tum zawng engmah lo mai a ni,
Aw Lalpa nang chauh ka felna i ni.

Ka nunna chu thing Kraws chungah khan,
Krista nen khenbeh in a awm tawh;
Tuna ka nunna pawh hi keimah ni tawh lovin,
Keimah ah Krista a nung zawk a ni.

Lalpa i hma ah misual ka ni,
Thiltha tih theihna reng ka nei lo;
Lalpa ka nunna hmangin i nihna lan tir rawh,
Engkim hi i ropui nan hmang ang che.


No comments:

Post a Comment