Thursday, January 29, 2015

Information Technology leh Mizo te!


An sawi thin a hmalai ziak leh chhiar te an thiam hma chuan ralkhat leh hmun hla amite hnen a thu in thawnna leh an biak pawh na ve ber chu mahni kal loh chuan midang kal remchang tur te hnen a thu chah chhawn lo chuan ral a mite nen an in be pawp thei thin lo. Khawvel a changkang zel ang hian mihringte in biak pawhna pawh a rang in a sawt hlei ta khawp mai. Medieval hun lai a Persia lal in a fapa nupui atan Chinese lalfanu hnena palai a tir a, mo hruai na a hla lutuk a, an hruai thlen meuh chuan a pasal tur a lo thih hman tawh thu an sawi thin hun lai te leh tunlai hun khaikhin chuan thil chu inthlak danglam tak tawh chu ani.

Mizoram/Mizo context ah la lut dawn ta ila-Zanin chu youtube ami Mizo hla pakhat thiante nen kan ngaihthla ho a "Kar a hla di bawihte" tih a ni a. He hla ngaihthlak hian ngaihzawng Lunglei a awm a Aizawl atangin emaw hmun hran atangin a ngaihzia a phuah chhan ni awm tak a ni a. "Zalamlian tluang phei.. aw a thui vawng vawng... thaikawi biahthu hlan nan chuanin e..."ati vawng vawng mai ani. Tunlai ah Aizawl-Lunglei inkar ah pawh inbiak pawhna that tawh zia te, Trunk Call pawh ngai lova mobile phone atanga call leh sms in thawn zung zung a theih tawh a nia. Chu chang ani lo, Hyderabad lam ah pawh hian ka thiante hi an vannei ka ti thin, zantin an hmangaih em em te nen nilenga an thil tih zawng zawng awlsam te in kut a hum bo tham lek khawl pakhat te tak te hmang hian an in hrilh zung zung tawh a. A rem chang anih leh chaw ei pah ten an inbia a, an phur viau phei chuan gtalk/yahoomessenger etc. hmang te in an inbe zung zung mai chu ani tawh si a. Tlema tawngkam lama in hriatsual an neih chang pawh a, thu a sawi fel mai theih loh tum pawn text message hmangin 'smiley' pakhat lek an thawn zeuh a, engkim an ti fel leh mai thin te hi mak ve ang reng tak chu a ni.

Mi vannei tak tak thiante ka nei hi inchhuang thei chu ka ni ve in ka hria. Hei hi ani lawmni Information Technology malsawmna chu!? Hmang tangkai zel turin duhsakna ka hlan e!

No comments:

Post a Comment