Thursday, January 29, 2015

Kan Khua chu SSK!

Nikum lamah khan kan khua 'Sialsuk' chanchin leh thlalak tlem ka post tawh a, kumin March thla khan kan khua ah hian ka haw a, thlalak thar ka nei nual a, a hma a ka post tawh tuihnih nan khan kan ti nawn leh ang e. Thildang tih tul avang leh ka hmanhmawh lem loh avangin ka camera a thlalak ka lak hote hi ka blog ah ka post lawk lo a, mahse ka hmelhriat miah loh ni mahse blog pakhat ah chuan ka thlalak lak ve ho te alo awm nual a, khawi atanga a neih nge chu ka hre lo nanga, kei a thlalak ve te blog hial a alo lang ve hi a blog neitunu hnenah hian lawmthu hrilh ka ba zawk in ka hria. (http://nancyremruati.blogspot.com/2008/07/sialsuk-tlang.html)

Kan khua a Sikul kal rual mipa naupang ho kha chuan ramhnuai leh luidungah te hian hming kher hi tihmakmawh ah kan ngai thin a. Mahni hming ka kher vang bakah a nemnghehna ni pah fawm in kan hming dawt ah hian SSK tih a chuang tel ngei ngei thin bawk. Enge SSK chu ni ta ang le? Ele, engdang vak ani lo SIALSUK tih na mai a ni(alam tawiin SSK) hemi blog azassk (aza+ssk) tih pawh hi a awmzia a hriatthiam theihin a rinawm!!?:). Tunthleng hian kan khaw ho hi chuan SSK ti a sawi hian a awmzia kan la man thei vekin ka ring.

Atuk lawk ah kan khua ka chhuahsan a hun tawh avangin thianpa Mawia leh ka nau te thiandun nen kan khaw tlang kan lo chhuan ve em em thin 'Hmunchung Tlang' chuan turin kan chhuak a, thal khaw ro a kiam tan a tlang pang phul te pawh ruahtuiin a lo nan tawh avangin a lang hring dep a, khua a thiang tha a, khaw hawi anuamin a lunglen thlak duh khawp mai.

Tuna Sialsuk hmun ah hian khua an din hma in Hmunchung Tlang ah hian Sailo lal Rolura hovin khua an din thin a, chutih hun lai chuan Sesawm lalfanu hmeltha nupui a neih tumin Sialsuk Lalfapa leh tlang dang lal fapain an hel ve ve a. Chutia Sailo lal fapa inleng pahnih a ruala an awm tak ah chuan a rimtu khawhnih te chu hla phuahah an in el ta a. Sialsuk lam chuan: “Kawlngo lo lengin min phei hrut e,Van rim nam rum rum a kan lenna; Sial khawpui zo lur a sang kim ber” tiin (k)an khaw nawmzia hlain an han chawi ta a . Sesawm lalin chu hla a han hriat meuh chuan, “E khai, ‘Van rim nam rum ruma cheng chuan ka fanu chu nei mawlh rawh se” tiin a neihtir ta a niin an sawi thin.

Mizoram khua ah hian tlang nei nuam pawl tak kan nih ve ka ring a. Keinin a 'Hmunchung Tlang' tia kan sawi thin kan khaw tlang hi kum 15 liam ta vel atang khan sawrkar lam hotuten kan khua a hmun an rawn khuar a, chu Dept. chu a hun lai chuan zu leh sa leh sum nena an chet nasat lai ani a. Tlang bul thut ah hian IB a lo awm nen, tlang leh a vel hmun te hi an lo hmang nasa thin aniang chu khual atangin hming sawi nuam lem lo tak "Ngei Ngei Tlang" tiin min sawi lar sak ta a. A khaw neitu tan chuan he hming hriat rik ngawt pawh hian rilru a na ve duh lutuk tlat. Kan khaw hlaphuah thiam Pu.Laltanpuia (L) {Pu James Dokhuma unaupa} phei chuan YMA Section hrang hrang te tan a hnam lam intihsiak an buatsaih na ah 'chai hla'a sak atan "Kan chhuahtlang mawi pui Hmunchung Tlang, a sakhming selin Ngei Ngei Tlang an ti, a pawi ngei e, aw a pawi ngei e" tiin a phuah chhuak hial a ni.

achung a mi hi PWD Inspection Bungalow a ni a, Bristish hunlai a sak a ni.



Hmunchung Tlang hi Batling Tlang nen a mual dung khat inzawm a ni a, chumi inkar kham pang chhuah lam chhawng ah hian 'Darkhuma Tawngtai puk' a awm a, a kal kawng hi a chhuk chho deuh a, luhai nei tan chuan kal a nuam lutuk lo mai thei. Pu.Darkhuma chanchin hi lo zawh chianna chang ka hre miah lo a, ka hriat dan chuan kan khua ringtu hmasa pawl niin ka hri a, he puk ah hian a tawngtai thin niin an sawi ka hria.

Thenzawl lam kawng

Hman deuh ah kha chuan tlangchhip ah hian fir thing a ding thelh sung thin a, ralkhat atang pawn a lang mawi theih viau thin a, tlem lai deuh khan a tam a a rem ta duak a, a awm chhun lah a rukin an lo kit thin nen fir thing hmuh tur a vang ta hle.



Ahnuai a thlalak hi a thlan cheibawl dan leh lung rem dan vel ah hian Hmunchung Tlang awmlai a Lal thlan ni ngeiin a hriat theih.

Tlangchhip atanga kan haw lam hian tlemin khua a duai tan a, boruak erawh a thiang tha hle, ral khat ah Hmuifangtlang pawh a la lang chiang khawp mai.



Hmunchung Tlang bulthut

Thantluang kawn

H/S compound

Kan khaw High School hi HSLC thleng ka lo zir chhuah ve na a ni a, ralkhat atang thlir pawh in thian hluite hmel leh kan sikul kal hunlai te mitthlah ah lo lang zut zut a...taka kan khaw H/S hi kum 1952 a din tawh a ni.

H/S hnung lam leh a piah ah hian Rizap ngaw(Forest Reserve) tha tak ala awm a, khaw mipui ten chak kan la na ber ala ni.

Kan khaw lal Lallunghnema Sailo leh chhung leh khatte thlan.

Builukham par (ti ve khanglang ila naupan laiin a par chhung a rah ang deuh a dump

No comments:

Post a Comment