Thursday, January 29, 2015

Kan Zinkawng Khawhar tak ah hian (Little is Much when God Is In It)

Thatna leh felna reng reng nei lo mihring ni mah ila, Kristian Chhungkua atanga seilian ve ta chu naupan tet atangin zaipawl leh gospel hla bak hi chu kan ngaithla ngai meuh lova,(Ka tleirawl ve tirh thleng in In-ah love song kan ngaithla ngai lo hrim hrim!) Sunday zing ah phei hi chuan ka Nu leh Pa in AIR, Aizawl fakna-hlathlan 6:10-6:30 am hi min ngaihthlak pui ngei ngei thin. Chumi hnu ah a hunlai a audio cassette lar ve tak- Ramhlun Bial Zaipawl, Vanlalzami, T.Lalengzauva, Sanglianthanga, Synod Choir, Besy Melody(Besy Choir), C.Luri, etc. te kan ngaihthla tlangpui thin. Synod Bookroom a an zawrh zaipawl leh gospel cassette te kha chu kan nei ve thin tlangpui. Kan naupan laia Ka Pa in Synod Bookroom atanga naupang zai cassette min leisak phei chu a cover ah 'Sap Naupang Zai' tih a ni tawp mawle! Dangdai ve khawp mai.

Chutiang ang hla ngaithla thin chu ka nih ve avangin rualpui te leh thian te hla ngainat ang tam tak hi nalh ka tihpui pha ve meuh thin lo! A chang phei hi chuan tunlai lo leh typical type/stereo type min ti a ngamtlak min fiam bawrh bawrh tu hi ka tawng ve fo thin. Naupang te ni e ti lo chuan ka hla ngaihthlak thin hi chu a hmanlai lam deuh anih loh chuan a muang deuh dulh tlangpui(Love song leh hla dang ngaithla ngai miah lo chu ka ni tawh chuang lova!! ). Sual hle e tilo chuan gospel music abikin hymn lam hian ka lung zuk len ve tlat zel thina vawiin thleng hian!!

Hman deuh atang tawh khan fakna hla/thalai hla lar tak "Kan Zinkawng Khawhar Tak ah Hian" tih hla hi hlabu ah ka en apiang hian Translated By Peter Zohmingthanga tih a in chhu kalh thin a, amah Pu Peter-a nen mimal taka in hriat na kan neih loh avangin(internet lamah erawh ka hre ve viau a!) Saptawng lama he hla an sak hi ka ngaithla chak ve thin a, a zawnchhuah dan tur erawh ka bangbo viau lawi a. Google lamah te a saptawng milpui tur tiin mahni thiam tawka phuah rem chawpin kan zawng ngial thin a, engmah erawh ka hmuchhuak lem chuang lo. Vanneihthlak deuhvin U Zualtei te veng ani bawk a tiin ngamtlak ah a saptawng a a title min lo zawh sak turin ka han ngen ta chawt ani'n tlawmngaiin a lo zawt a, min rawn hrilh a, youtube lamah kan en chuan alo awm ta vang e, a hma ka lo zawn thin ang kha chuan zawn hmuh a lo har em atinni!

Amah Pu Peter-a Mizotawng a letlingtu in U Zualtei a hrilh dan chuan: "Ka translate chiahlo, inspired a ni mah. "Little is much when God is in it" by Kittie L.Shuffield. Bial zaipawl hla pakhat zawmna (medley) atan a ka tih mai mai ania, hla bu-ah an lo dah ve gawt alawm mawle. Word by word translation a ni lo" tiin. He hla nalh tak hi a saptawng lam ai mah in Mizotawng hian a nalh zawk daih in ka hria, a thluk pawh hi tlema muang ltk lo a kal mawi tawk chiah-Mizo thalai ten kan sak ang hian a lo nalh zawk daih a lo nih hi. Pu Peter-a thiamna a fakawm khawp mai.


Little is Much When God Is In it
In the harvest field now ripened
There’s a work for all to do;
Hark! the voice of God is calling
To the harvest calling you.

Refrain

Little is much when God is in it!
Labor not for wealth or fame.
There’s a crown—and you can win it,
If you go in Jesus’ Name.

In the mad rush of the broad way,
In the hurry and the strife,
Tell of Jesus’ love and mercy,
Give to them the Word of Life.

Refrain

Does the place you’re called to labor
Seem too small and little known?
It is great if God is in it,
And He’ll not forget His own.

Refrain

Are you laid aside from service,
Body worn from toil and care?
You can still be in the battle,
In the sacred place of prayer.

Refrain

When the conflict here is ended
And our race on earth is run,
He will say, if we are faithful,
“Welcome home, My child—well done!”

Refrain

No comments:

Post a Comment