Thursday, January 29, 2015

Mizo Chhangban



Tunlai ziaktu tam tak te chin dan angin chhangban hi a saptawng chuan chu chu ania tia han sawi ka chak teh reng nen Pu.Buanga Dictionary ah ka hmu zo silova a awm chhun chu chhang tih ani a, mahse chhangban sawi nan pawh a hman ve theih tho bawk ti hian a sawi a: chhang- n bread; a glutinous dumpling or pudding made of kâwnglâwng or fazu rice-flour boiled in a leaf.

Chhangban chungchang a an sawi ve fo thin chu "Thil enge maw ei chak deuh kan neih a kan hriat chhuah theih si lo chang hian eng dang ni lovin chhangban hi a lo ni duh chawk" an ti thin. Chhangban leh Mizo te hi then hran hleih theih loh na lai tam tak a awm thei awm e. Hmanlai chu sawi loh tunlai thleng pawh in Kut ni vang thla (Christmas & Kumthar) ah chuan chhangban ei loh chuan kim lo riau hi a awm thin in a hriat. Buh den sawm/her sawm chhum hmin atanga siam chhangban hi a hmel en mai hi chuan tlawm hle mahse Mizo te ka ah hian a lut awl lova, kum sang tam pawh ral mahse Mizo hnam a awm chhung chuan a tuina a bo chuang thei dawn em ni le? Thianpa Sawmtea te, Utaia (epis-s) te chuan han sawi tak tak se Chhangban leh Mizo identity an ti ang a, Research paper tha tak ah an chhauh thei mai ang mawle. Chhangban atang hian Mizo identity a hmuh ve theih tlat!

Ka roomate Kerala mi chuan chhangban thlalak ka hmuh hian an mahni tualchhuang siam chhuah chhangban ang chi deuh an neih ve thu leh mahse amah chhang hlang chauhva ei lovin thil dang nen an siam pawlh thin thu a sawi. Hnamdang te pawh hian pi leh pu te atanga an chin tualchhung siam chhang tam tak an nei ve thova, mahse chung chhang zawng zawng ai chuan thingpui sen leh kurtai nena chhangban tui tak han keih seki van chu thil thlakhlelh hleih theih lohvah ruat loh thu va awm suh! Chhum in a tui a, kan lah in a tui hlei hlei si a!!


Kum 1 chuang zet chhangban ka ei tawh loh hnuah thianpa Tlinga Masi chawlh hmang zo rawn let turin Aizawl atangin duhsak takin chhangban ka duh leh duh loh min rawn zawta. A ken a hautak awm sia inthlahrung tak ei chak tak bawk sia ka tih lahin a hautak lovang a ti miau sia, ti hian a rawn thleng thla ta, a zan a zanin khaweng pawh nghak hman lovin mahruaia'n a funna hnang ngei maiin an at darh sang a, a seh hmeh tur kurtai nen a rawn keng thla bawk a, kar lovah kan ei zo ta mai a lawm le!!! Chhangban duhsak taka min hawn sak tu Tlinga chungah lawmthu ka sawi e.

No comments:

Post a Comment