Thursday, January 29, 2015

Mizo Love Letter

Hmanni lawk khan Mizoram-a chawlh hmanga ka haw chhuah laiin Aizawl ah LPS Vision in 'Commedian Search' an huaihawt a, chuta ka lawm em em pakhat Pu. Kawlhnuna Love Letter hi a vedio clip ngaithla chungin ka type chhuak a, a nuih zathlak bawk sia, a ril bawk sia; a chhiar peih in lo awm takin hei le....

Hmangaih leh Duhber,

A hmasaber in hmingmawi ber Isua hmingin chibai ka buk a che, tlin lohnate leh zahna namen lo te chuan i hnena thusawi lo tur hian min phuar bet zo ngang lo chu ani ta ber e. Ka laka beiseiawm a i awm vang pawh ni hauh lovin keimah a thil awm zawk chu ka han hrilh ang che.

Tuipui boruak te leh tuipui boruak te chu chhun zan zawma in chhim tawn reng turin an tleh heuh heuh thin a, hetiang thlifim tleh heuh heuh te hian ka thinlung mangang tak leh khawhar takah hian hmangaihna thu hlir hi an sawi ni hian ka hria a. He ka taksa vaivuta siam rei lote a vaivuta kir leh mai tur chhungah hian Solomona rangkachak khur ai pawh a hlu zawk 'hmangaihna' chu a awm si a; lunglenna te hi ataka hmuh theih chu nise ka ngaihtuahna ruala ka taksa hial pawh hi rawn thawn tel ka duh thin.


Thuro leh parva nupa anga in awm ngheng chiala biahthu inhrilh hlan ka va nghakhlel em. A tawpber na atan he ka kut ziak tlawm tak mai in a i mitmeng paw riai mai a han hmachhawn bik tur hi chu keima kut ziak ngei mah nise ka thik deuh ani!


No comments:

Post a Comment