Ka Khawthlirna (Windows 2007):-)

January thla khan ka zirlai thilah Mizoram lam a haw chhuah angai a, kumthar tir te khan ka haw a, rin aiin thlasik a lo la na khawp mai a. Hyderabad lamah khua a vawt tawh mang silova, vawt tiin ka cham chhung khan ka hun ka han hmang tluan ani deuh ber:-). Tlaikhat ka leng haw lamin kan kawmchhak dawrah ka mi hmuh deuh mai pa pakhat ka hmufu hlauh mai a, amah ka hmuh duh chhan pawh Mizoram Historical Journal a article ziah avanga thil zawh chian ka duh vang ani a, amah chuan min hre ngai hauh lova kei erawh chuan ka hre chiang viau thunga. Ka va biak pawh takah chuan a lo fel khawp mai a, mi dawr hma tak ah chuan kan ti ti dun ta nghal bawrh bawrh a. Keiin ka thil hriat duh te ka zawt nghal bawka, chutia ding chunga kan in biak mek lai chuan ka vawt ti chu ka ding khur hlawk hlawk a, khur satliah ani lo ka kekawr tlang vel pawh a sawi hlawk hlawk thei nia mawle! (khami tlai kha chu vawt tak ani). Kan inbiak zawha In ka thlen hnu ah ti hian ka ngaihtuah a, ka mi biak pa khan min la hre ngai bawk silova, pian phungah ka lo thau lutuk bik mang bawk silova, tlangval thalai ding mai mai khur ta hlawk hlawk chu mak ti ve ngawt ang, drugs addict emaw engemaw ni ruih neih ah min ngai ngei ngei ang a ka thil hriat duhdang te pawh min hrilh tha duh lovang anga tiin ngaihdan ka siam hman hial a. Amaherawchu vanneih thlak takin chutiang eng thleng lovin a karleh zan a an In a ka va len chuan inkawmna hun tha tak neiin ka zirlai thil ah pawh fuih na tha tak tak min lo hrilh zawk a....Kumin Mizoram thlasik kha chu ana em atinni!

Chutia Zoram thlasik khawvawtin ro a rel mek lai chuan tlai lam ni tla turin kan ral leh lam a han chhun hi chuan thlir a nuam em em a, boruak a thiang a, lungte a ti leng thei hial thin ani..Thlasik a liam a, tulna avangin Zoram ka chhuahsan hun a lo thleng ve leh a engtik ang nge ka let leh ang ti chung zelin ti hian kum pawhin a chanve chawhnu lam a her pui mek a anih hi. Kan zirna hmun ah nitin hun hmangin ka awm ve leh mek a, zan in chu ka PC ka hawng a January thla a ka thlalak thenkhat ho ka hai chhuak a lung an ti leng kher mai..

Thianpa Sawmpuia blog sir veilamah hian "Windows2007" tih a awm a, chu tukverh(window) atanga a thil thlir hrang hrang ngaihnawm tak tak chhiar tur a awm thin a. Hei kei pawh thianpa dung thulin hian" Windows 2007"(Tukverh!) theuh theuh ni si mahse in ang lo lutuk ka nei ve a, he Windows 2007 version hi Microsoft lam product pawh ani chuang lova, a version hmingah chuan"Windows 2007 Aizawl' leh "Window 2007-Univ Hostel" tih ni mai se, achhan pawh tukverh pahnih Aizawl ami leh kan Hostel tukverh atanga lak anih vang mai mai ania :-)

ngaih thutak tur em em pawh a ni lo!!
Windows 2007 Aizawl:-1

2

3


Windows 2007 Univ Hostel:-1

2

3