My Sunday diary

Diary ka ziak peih mang silova, blog lamah tal hian ziak ve mai ang!

*16th.November 2008 a ni a, zan lamah HMA PUARAK chanchinbu ka buatsaih avangin ka meng rei hle a, tuk dang ang bawkin ka muttui em avangin breakfast ka ei lo leh phawt a, dar 12:30 a ri tawh nang a thawh ka la harsat khawp mai!

*Peih lo tawkin ka thova, ka inbual a, ka thawmhnaw ka nawt a, chaw ei turin Tlinga & Robert nen gops kan pan, Sawmtea'n chaw min lo order saka, Utaia a lo awm ve a. Vawiin hian HMA Annual Magazine VIRTHLILENG kan release dawn avangin Utaia'n camera tha chi min hum chhuah tir.

* Small Gate thleng Sawmtea Bike in kan kal a, Kimkimi, Dee-i, Mapuii te nen Cab in Mehdipatnam thleng kan chuang hova, chumi hnu ah autoricksaw in Biak In kan pan. Abids kan thlenga Biak In a lut lovin Chirag Ali Lane ah chanchinbu ka print tir a.

* Biak In(St.George's Church) ah ka let chhova, inkhawm an lo tan tawh a, Zorema & Apuia te ho leh mi dang te nen Magazine parcel kan unload a. Biak In chhung ah ka lut a, kal tlai viau e ti lo chuan tlar hmasaber dawttu ah ka va thu ta tho va!

* Pu.Dova'n thuchah a sawi a, kan bang a, chumi hnu ah HMA Annual Magazine chu Editor-Josepha'n report a pek hnu ah HMA President in a release ta a ni. Utaia camera thar(Cannon EOS 1000D) hum chhuak ka ni a, a changkang nge a tha lutuk zawk Sawmtea nen a flash on  dan tur atangin kan buai nghal a! Duh anga tha pawn magazine release lai pawh ka la fuh hlei thei lo. Biak In kawt ah thingpui in pahin magazine kan lei sup sup a, thla ka lo la ve chhen bawk a.

* HMCF Committe tur a nia, mahse tul dang ka neih avangin ka tel ta lo. Dawnga nen Abids street ah shopping reivak lo kan nei a, Big Bazaar ah kan lut a, thil kan lei nual. Autoricksaw in Dawnga In ah kan phei a, zanriah ka ei nghal. 

* Ruah a sur a Dawnga'n nihliap khum meuh in auto min chan pui a, Mehdipatnam dawt chiah Reti Bowlli Petrol pump ka thlen meuh chuan kawngpui ah pawh tuihawk a luang kawi nasa tawh hle. Ruah a bang thei lo 7seater ka chang a, petrol pump hulhliap ah chuan vaiho karah ka ding ve ta reng a.

* Chutia motor changa ka din reng lai chuan kan bul lawk ah hian Radio-cab driver pakhat hian air a lo refill mek a, a che muang chi alo ni ve nen, a dawt leh air refill tur car pakhat hian piah deuh ah a nghak ve reng a, chu a nghaktu car dirver chuan horn a rawn ti ri tuar tuar a, ring leng lawng hian kha kha tu motor nge? a rawn ti a, a aw chhuak atang chuan mi ingaitlawm tak a ni lo tih a hriat theih nghal a. Chutah car atanga rawn chhukin cab driver chu a rawn hau ta hrep a, a thianpa in a rawn zui a, chupa palian zet chuan cab driver air refill mek chu rawn khawih a tum ta mai a. Mahse, engtin tin emaw ni an in dang thei ta hram a.

Radio-cab driver chuan a refil zo chiah tih ah car driver mosolman pa khabehmul sei tak a zuah, a in cheina leh chet dan pawh a mihausa tih hriat tak chuan cab driver chu a bula kal phei tur chuan a hui a, chu cab driver a hmel en pawh a hnamhnuai hnung a ni tih hriat tak chuan thuawi tak leh hlauh hmel takin a pan phei a. Car driver mosolman pa chuan kun rawn a ti a, cab driver zawk chu a kun ve mai a, chutah  a in inrin hmain a theih tawpa na hian cab driver hnungzang ah chuan a beng ta chawrh mai a! an bula ding ve reng ka ni a, chumi te in tih kual dan vel chuan ka ngaihtuahna ah thil min dawn tir a nei tlat mai. Kha cab driver mi rethei leh mi hnuaihnung tak kha kah mosolman mihausa khan engvang ngawt a kutthlak ngawt nge a ni tih te? Kutthlak theihna right a neih ngawt bik si lo tih te, mirethei ni ta lo se kha kut thlawn kha a tuar bik lo tur tih te, a dinhmun in zir ve miau hek lo, lungawi lo hle mahse a lungawi lohna a lan chhuah tir ngam lova, hlau tak a tharum ah pawh a hneh ve tho tur pa lak atang chuan a tuar zam mai a tul si a. 

Patling theuh theuh a tlawmngaih ruk ve zia tur leh a rilru nat tur zia te ka dawn pui a, mi hi an retheih emaw an dinhmun a hniam zawk vang ngawt a hnuai chhiah tur an ni bik silova. Kha mihausa pa car dum khalh tupa khan a thil tih ah khan in chhir hmel reng reng a pu bik bawk silova. A hnu ah mite bulah an thil tawn hi sawi ta se, a tu ve ve pawh khan an thiam thu an sawi awm si a. Kei mimawl lo hmuh ve dan erawh chuan mi hnuaihnung zawk cab-driver khan thiam lohna reng reng a nei lo tih ka hriatpui e!

*Mirethei te tan hian kawl eng se, hnam tin leh chitin, mitin te hnen ah hian engtik ah tak in-tluk-tlanna(equality) kan tih te hi  hlawhtling tak ang maw? Siamtu thuhmun theuh theuh kan dinhmun leh chan tawk te hi a in anglo thin teh e!!