Sunset view from Mizoram

Pu. C. Lalrinmawia hla ah khan " Aw ka thlir vel tlaitla eng mawi, Aw alo mawi chuang mang e; I hmelthar hraileng ten lo lawm, Chamrih la tlai tla eng mawi no ruai..la la..la, Chamrihla hraileng zawng lung lawm nan maw, I liam tur maw lo ngui zo ta" tiin tlai khua a liam tur lunglen thlak em em in a phuah chhuak a. Mitam tak chuan tlaini tla turin a kawl a en sen phut a, khua vel han hawi chhhuah chang hian lunglen a kaitho leh thin kan ti ngei ang. Kei pawh hemi nia Samtlang kawnga tlaini tla tur thla ka lak tum zet hi chuan kan hla ngaihthlak in a zir em vang nge, kan ral kawl kila nitla tur saw a nalh em vang nge, lunglen na thlarau in min pawl nge pawh ka hrethiam bik lo 'a lunglen thlak' tih bak lo chu sawi tur ka hre lo! A mawina leh a lunglenthlak dan ang tur pawhin a thla tal hi la chhuak thiam ila tha tur ania, mahse ka camera that na leh ka hmanthiamna in a phak tawk bak chu ka pel thei lo chu anih hi. Siamtu in mihringte tana chawlh hahdamna hun atana a lo ruat zan hun lo in tanna tura tlai lam hera kawlkila ni a her liam mai tur han thlir changte hi chuan ngaihtuah na a ti thui duh ve thin khawp mai.









l