“Davida fapa hnenah Hosanna! Lalpa hminga lo kal chu fakin awm rawh se, Chungnung berah khian Hosannna”Mathaia 21:9
Vawiin hi Mizo Kristian ten kan hriat lar dan chuan ‘Tumkau Ni’ ani a, khawvel pum ah erawh chuan ‘Palm Sunday’ tia hriat leh sawi ani thin. Tumkau Ni hi Kristiante tan a pawimawh em em na pakhat chu Lal Isua in Lal anih zia entirnan a ropui taka Jerusalem khawpui a sabengtung no chunga chuang a luh na ni champha anih vang a ni. Chumi hriatreng nan chuan khawvel pumah ropui takin Kristian ten kan hmang thin reng a ni.
Lal Isua Jerusalem a chawimawi a a awm thu hi Bible a Thuthlungthar lama Chanchintha bu ziaktu te hian an ziak vek a ni (Matthew 21:1-11, Marka 11:1-11, , Luka 19:28-44, leh Johana 12:12-19). Hmun hrang hrang leh ram hrang hrang ah kan hman dan a in ang vek lova, hmun tam zawk ah tumkau hnah te lakhawm in hemi ni hriatreng nan hian Ringtuten kawngzawh leh Biak In lamah te hun kan hmang tlangpui thin. Hmun thenkhat leh ram thenkhat ah te chuan tumkau/tum thing hmuh tur a awm ve loh avangin Box(Buxus sempervirens) thing te, Yew(Taxus baccata) thing te, Willow(Salix) thing leh a thing awm remchang dang te an hmang thin a, chuvang chuan hmun thenkhat ah phei chuan Palm Sunday ti lovin Yew Sunday te, Branch Sunday te pawh an ti ve thin a ni.
Tunhma atang tawh in Near East (Iraq, Israel, Egypt etc)ram vel ah hian miropui leh chawimawi phute chu sabengtung chunga chuan tir in mipui lam in kawng ah te an puan/hnahchhawl te lo phah thin a. Tin, tum hnah leh thing hnah te lakhawm in kawngah te an phah thin bawk ni. Chutiang ngaihdan leh chindan an neih thin ang ngei chuan Lal Isua pawh khan Lal anih zia leh chawimawi phu anih zia entirnan Jerusalem a luh dawn khan a rawn ti ve ta ngei ani tiin ziaktu thenkhat chuan an sawi.
Juda ho ngaihdan chuan tumkau hnah hian hlawhtlinna leh hnehna entir a ni. Lal Isua an chawimawi tum pawh hian tumhnah sawi lan a ni a, chumi in a entir chu: Juda ho hian an mahni awpbettu Rom sawrkar lak atanga zalenna an duh a, chu an mahni awpbettu lak atanga hruai chhuak thei tur an beisei leh inghahna ber chu Messia a ni a. Chumi beisei na avang chuan Lal Isua hian hnehna rawn pe in awpbettu lak ata hruaichhuak ngei se ti a beiseina neiin tumkau nen an chawimawi niin chhuitu thenkhat chuan an sawi thung.
Sabengtung chunga chuan hian hnehna leh inngaihtlawmna entir a ni. Lal Isua Sabengtung chunga a chuan tur thu hi atak a lo thlen hma kum tam tak liam tawh ah khan Zawlnei Zakaria chuan “Aw Zion fanu, nasa takin hlim la; Aw Jerusalem fanu, au chhuak rawh; Ngairawh i lal i hnen ah a lo kal e; Mi fel a ni a, hnehtu ani; Inngaitlawm takin sabengtung chungah a chuang a, Sabengtung no chung ngei ah”(Zakaria 9:9) tiin a lo sawi lawk daih tawh a ni.
‘Tumkau Ni’ hi ringtute tan chuan a hlu em em a, Lal Isua chawimawia a awmna ni ah hian keini pawh in kan thinlung chhungril ber atangin A tan chawimawina hlan thar leh ila; kan sualna avang te, kan inthlahdah avanga sual bawi a kan lo tan mek na ah te hian LAL ISUA hnen atangin hnehna kan chang leh theiin chhanchhuah kan ni thei a ni tih i hrethar leh theuh ang u.
(He thuziak hi Hyderabad Mizo Christian Fellowship Sunday Bulletin GILEAD ah ahming a Editor ka nih ve vangin thuziak theh lut an awm bawk silova ti hian thiam ang angin ka phuah khawm ve tawp anih hi! )
**Tumkau Ni a lo thlen hi chuan kan naupan ve lai a zingkar a kan ute ho nen Sunday School Naupang zawng zawng in Tumkau keng chung a kawng kan zawh thin lai te min ti hrechhuak ve thin. Kan zirtirtu Uzawntea te, U Para te leh U Hmangaihi emaw U Rindiki emaw zawk zawk khan mike kengin hla chang an sawi ang a, kawn leh hmun rem chang apiang ah "Enteh i Lal chu?" tiin an rawn au ang a, Keini in: "Thuhnuairawlh takin Sabengtung no chung ngei a chuang in a lo kal dawn e" tiin kan chhang a...."Chungnung ber ah khian Hosana!" tiin kan aurual thin kha ania. Naupang kuthlei deuh ten tumkau hnah pawt sinin design dang deuh an lo siam chhuak bawk ang a, kan hlimin nuam kan ti ve thin khawp mai!
Happy Palm Sunday!
Picture courtesy: www.sermons4kids.com
Vawiin hi Mizo Kristian ten kan hriat lar dan chuan ‘Tumkau Ni’ ani a, khawvel pum ah erawh chuan ‘Palm Sunday’ tia hriat leh sawi ani thin. Tumkau Ni hi Kristiante tan a pawimawh em em na pakhat chu Lal Isua in Lal anih zia entirnan a ropui taka Jerusalem khawpui a sabengtung no chunga chuang a luh na ni champha anih vang a ni. Chumi hriatreng nan chuan khawvel pumah ropui takin Kristian ten kan hmang thin reng a ni.
Lal Isua Jerusalem a chawimawi a a awm thu hi Bible a Thuthlungthar lama Chanchintha bu ziaktu te hian an ziak vek a ni (Matthew 21:1-11, Marka 11:1-11, , Luka 19:28-44, leh Johana 12:12-19). Hmun hrang hrang leh ram hrang hrang ah kan hman dan a in ang vek lova, hmun tam zawk ah tumkau hnah te lakhawm in hemi ni hriatreng nan hian Ringtuten kawngzawh leh Biak In lamah te hun kan hmang tlangpui thin. Hmun thenkhat leh ram thenkhat ah te chuan tumkau/tum thing hmuh tur a awm ve loh avangin Box(Buxus sempervirens) thing te, Yew(Taxus baccata) thing te, Willow(Salix) thing leh a thing awm remchang dang te an hmang thin a, chuvang chuan hmun thenkhat ah phei chuan Palm Sunday ti lovin Yew Sunday te, Branch Sunday te pawh an ti ve thin a ni.
Tunhma atang tawh in Near East (Iraq, Israel, Egypt etc)ram vel ah hian miropui leh chawimawi phute chu sabengtung chunga chuan tir in mipui lam in kawng ah te an puan/hnahchhawl te lo phah thin a. Tin, tum hnah leh thing hnah te lakhawm in kawngah te an phah thin bawk ni. Chutiang ngaihdan leh chindan an neih thin ang ngei chuan Lal Isua pawh khan Lal anih zia leh chawimawi phu anih zia entirnan Jerusalem a luh dawn khan a rawn ti ve ta ngei ani tiin ziaktu thenkhat chuan an sawi.
Juda ho ngaihdan chuan tumkau hnah hian hlawhtlinna leh hnehna entir a ni. Lal Isua an chawimawi tum pawh hian tumhnah sawi lan a ni a, chumi in a entir chu: Juda ho hian an mahni awpbettu Rom sawrkar lak atanga zalenna an duh a, chu an mahni awpbettu lak atanga hruai chhuak thei tur an beisei leh inghahna ber chu Messia a ni a. Chumi beisei na avang chuan Lal Isua hian hnehna rawn pe in awpbettu lak ata hruaichhuak ngei se ti a beiseina neiin tumkau nen an chawimawi niin chhuitu thenkhat chuan an sawi thung.
Sabengtung chunga chuan hian hnehna leh inngaihtlawmna entir a ni. Lal Isua Sabengtung chunga a chuan tur thu hi atak a lo thlen hma kum tam tak liam tawh ah khan Zawlnei Zakaria chuan “Aw Zion fanu, nasa takin hlim la; Aw Jerusalem fanu, au chhuak rawh; Ngairawh i lal i hnen ah a lo kal e; Mi fel a ni a, hnehtu ani; Inngaitlawm takin sabengtung chungah a chuang a, Sabengtung no chung ngei ah”(Zakaria 9:9) tiin a lo sawi lawk daih tawh a ni.
‘Tumkau Ni’ hi ringtute tan chuan a hlu em em a, Lal Isua chawimawia a awmna ni ah hian keini pawh in kan thinlung chhungril ber atangin A tan chawimawina hlan thar leh ila; kan sualna avang te, kan inthlahdah avanga sual bawi a kan lo tan mek na ah te hian LAL ISUA hnen atangin hnehna kan chang leh theiin chhanchhuah kan ni thei a ni tih i hrethar leh theuh ang u.
(He thuziak hi Hyderabad Mizo Christian Fellowship Sunday Bulletin GILEAD ah ahming a Editor ka nih ve vangin thuziak theh lut an awm bawk silova ti hian thiam ang angin ka phuah khawm ve tawp anih hi! )
**Tumkau Ni a lo thlen hi chuan kan naupan ve lai a zingkar a kan ute ho nen Sunday School Naupang zawng zawng in Tumkau keng chung a kawng kan zawh thin lai te min ti hrechhuak ve thin. Kan zirtirtu Uzawntea te, U Para te leh U Hmangaihi emaw U Rindiki emaw zawk zawk khan mike kengin hla chang an sawi ang a, kawn leh hmun rem chang apiang ah "Enteh i Lal chu?" tiin an rawn au ang a, Keini in: "Thuhnuairawlh takin Sabengtung no chung ngei a chuang in a lo kal dawn e" tiin kan chhang a...."Chungnung ber ah khian Hosana!" tiin kan aurual thin kha ania. Naupang kuthlei deuh ten tumkau hnah pawt sinin design dang deuh an lo siam chhuak bawk ang a, kan hlimin nuam kan ti ve thin khawp mai!
Happy Palm Sunday!
Picture courtesy: www.sermons4kids.com
Chhuah chhawn i remti em
ReplyDeletea tha hle mai
ReplyDelete